بشرى ساره لجميع اهل الكويت " المحافظين " .. و بعد طول انتظار ..
واخيرا راح تقدرون تستمتعون بالتلفزيون بطريقه محافظه .. :)
واخيرا راح تقدرون تستمتعون بالتلفزيون بطريقه محافظه .. :)
سؤال ..
تهقون هالمحل اللي يبيع الرسيفر الاسلامي .. ما يبيع يمه كرووت فك التشفير ؟؟
او ما يبيع الرسيفرات اللي تفتح جميع القنوات الاوروبيه المشفره .. ؟؟
انا ما اقول غير ترقبوا المزيد ...
شوي شوي و مع مجاراة الناس لتيار الاسلام السياسي راح نشوف " الهيئه " في الكويت ..
لان كل يوم نشوف شغلات يديده تأكد ان اللي قاعد يصير مو شي هين .. و ان القادم اعظم ..
عموما ..
خل افيدكم بشي احسن من التحلطم :)
قبل كم يوم وصلني ايميل يقول ان الـservice charge ممنوع و ما يحق للمطاعم انها تاخذه ..
فقلت خل اجرب .. وفعلا قبل امس رحت احد المطاعم مع الربع و منهم " بو عابد " و بعد ما خلصنا وصلت الفاتوره ..
الطلب قيمته ١٧.٧٠٠ و بعد اضافه السيرفس صارت ١٩.٤٠٠ ..
المهم قام واحد من الشباب و سأل الـ manager قال له شنو هذي الزياده .. سيرفس ؟؟؟
وبدون ولا كلمه خذى الاخ الفاتوره عدلها و ردها و قال انتوا بس تدفعون الـ ١٧.٧٠٠ و هذا غلط بالكمبيوتر !!!
تخيلوا اخواني كم مره دفعتوا دينار و الا دينارين و كم واحد بالمطعم دفع مثلكم .. ؟؟؟
يعني اتوقع باليوم يطلعلهم فوق الالف دينار بس من السيرفس !!
اتمنى انكم استفدتوا من هالموضوع :)
هناك 22 تعليقًا:
كل شي اسلامي حتى في ماي اسلامي وبيبسي اسلامي ودشداشه اسلاميه وبوك اسلامي وساعه اسلاميه وتلفون اسلامي
اللهم لا اعتراض
تذكروني بدعاية "مكة كولا":
اشرب ملتزماً
المشكله انته شوف الأعلان اللي بالبوست ... يمه علطول حاط مربع ويبيع رسيفر بالكرت ... طريقته كرت باشتراك 6 اشهر ويفتح جميييع القنوات المشفره منها قنوات ال...
خووووش اسلام
انا من المجانبين لكل ما هو أسلامي
ولكن عندما تدفع بالامور بهذه الصورة يجب أن يكون لنا وقفة جادة في اعادة النظر في هذا الدفع دون أي عقل
مشكلة الاستغلالية لمشاعر الناس ومشكلة بساطة عقول الناس هي ما تجعلهم يركضون وراء كل شى يروج له بهذه الصورة
انا من المجانبين لكل ما هو أسلامي
ولكن عندما تدفع بالامور بهذه الصورة يجب أن يكون لنا وقفة جادة في اعادة النظر في هذا الدفع دون أي عقل
مشكلة الاستغلالية لمشاعر الناس ومشكلة بساطة عقول الناس هي ما تجعلهم يركضون وراء كل شى يروج له بهذه الصورة
رسيفر اسلامي
وااي
حده يضيق الخلق
المشكله ان كلمه اسلامي مو يعني دين وقران بصوت حلو وقصص حلوة بدون مبالغات
الاسلامي اللي مروجيله الحين
ويوه تضيق الخلق
جذب بالتاريخ
وتفسير احلام
اما سالفه السيرفس جارج والله زين في احد جربها
نشوف شاخرتها
اللي حتى المطاعم قاعده تبوق مو خايفه
اتذكر كان احد ابناء اقارب الاقارب , كان والده مانع الساتلايت في بيتهم , هالولد المسكين من الكبت صار كل ما يزور احد يهد اليهال وبس يجابل الستلايت .
الله يعين عيال المطاوعة هالمساكين اللي صايرة حياتهم ربع حياة بسبب قمع الوالدين .
بالنسبة للجارج وايد اشياء للاسف القانون يكفلها لنا لكن احنا ما نكون عارفينها او منتبهين لها .
سالفة السيرفس حدها قوية !!!
طلعت هذي سوالف المطاعم !!
استغلال الدين
و ياكثر اللي خذوا الدين عباءة
ابي انزين في زقاير اسلامية
باش مهندس ..
هذا اللي يسمونه مع الخيل يا شقرا ..
lwatan-ajmal ..
لا و يمه الرسيفر العجيب بخمسين دينار .. هذا بدون كرت بروحه يفتح اللي تبييه :)
Mishari..
يا اخي غير شغله كل شي لازم يكون اسلامي ؟؟
شنو يعني اهلنا اول ما كانوا مسلمين .. هذا يسمونه تمادي ..
sn3a ..
يقولج بس يطلع قناه اقرا و الرساله و العفاسي و المجد و الشارقه و المنار :)
و السيرفس جارج باطل باااطل باااااااااطل :)
حمد ..
اي والله كلامك صح .. اذكر كان واحد من الاهل متدين و عياله لي يو عندنا بس يجابلون التلفزيون و خصوصا قناه روتانا :)
بالنسبه للسيرفس جارج حاليا انا سويت اللي علي و بلغت اتمنى ان الكل يستفيد من هالموضوع لان السالفه مو سالفه دينار و الا دينارين .. السالفه سالفه مبدأ
قرار ..
اي هذي سوالفهم و نص ..
عاد انشروا الخبر عشان لا يتمادون مو كافي انهم زايدين الاسعار !!
enter-q8 ..
ما صارت هالعبايه .. غير عبايه هذي free size
اللي كل شي متستر فيها ...
في مساويج .. يقولون بديل اسلامي للزقاير .. عاد صج سامعها بشريط اسلامي :)
يمين الاعلان الرسيفر الذكي الي يفتح
قنوات العهر والمجون والانحلال الاخلاقي
ويساره تذكير بان جميع الكروت متوفرة !!
بس خطة ذكية من المحل لانه ببيع رسيفر عادي فقط زيادته ان اهوا نفسه برمجه وشال كل القنوات وخله الاسلامية فقط وما اكثرها هذه الايام ويبيع مع فرق سعر جيد
الاعلانات هذي تصدمك لان كلها تقريبا لشخص او شخصين اذكر مره كنت ادور على رسيفر معين اتصلت على 80% من هالاعلانات وطلع يا نفس الشخص وهو سوري يتكلم كويتي او شخص بجواره عرفته من الصوت الي يمه ..
زمن الهنود انتهى.
وناسة ذاك اليوم .. أهم شي لما رد الموظف و قال(سوري غلط بالكمبيوتر) !
انززين ليش ما يصير !؟
عشان اعرف ارد عليهم
ولا كنا مقصة :(
حياتي هدف مو عبث ..
يقولون حمايه المستهلك مانعتهم من السيرفس جارج و اذا ما رضوا يشيلونه بس قولولهم نبي صوره من الفاتورة و اتصلوا على حمايه المستهلك و عطوهم اسم المطعم و الفاتوره ..
شلون يبيع يعني ؟ الرزق يحب الخفية تعلموا ربعنا من اهل مصر
بهذه المناسبة الفضيلة، نقدّم لكم مفاجأة الموسم!!
(رسيفر "الكلك" الإسلامي)
http://mu3aratha.blogspot.com/2008/08/hala-ramadhan.html
إرسال تعليق