صديقي : تدري انا فيه تمثال ضخم للشيخ عبدالله السالم ؟
أنا : تمثال لعبدالله السالم و بالكويت .. أول مرة بحاتي أسمع بهالشي !!
صديقي : مو بس لعبدالله السالم .. في واحد ثاني يمة للشيخ صباح السالم
أنا : ودنيي .. لازم أشوفهم !
دشينه مبنى جريدة (الرأي العام القديم ) بشارع الصحافة .. و كلمنا السكيورتي ودخلنا حوش المبنى
بالحوش مقطوطييين .. تمثاليين واحد للشيخ عبدالله السالم قاعد على كرسي .. و الثاني للشيخ صباح السالم واقف
الصراحة أنا يتلي القشعريرة :) و وقفت 10 دقايق بس واقف متنح و ساكت أفكر بالكويت أيام العز وأقارن ب كويت الحاضر !
العجيب بالتمثاليين ضخامتهم و تفاصيل الدشداشة و البشت و الكسرات في القماش النحاسي و تعابير الوجوه الدقيقة .
مكتوب بلوحة تحت التمثاليين انه تم تصميمهم في 1986
يبدو على التمثاليين آثار طلقات الرصاص من أيام الغزو .. و مغطييهم الغبار من فوق لتحت
منظر محزن و أنا أشوف هذا التمثال المنسي لأبو الدستور و هو مقطوط بحوش و عليه آثار طلقات رصاص و مغطى بالغبار
منظر يعكس واقعنا الحالي .. (طلقات رصاص) موجهة على دستورنا و (غبار) سياسي ديني متأسلم يبي يغطي و يمحي كل انجازات الدولة المدنية .
هناك 30 تعليقًا:
حرام والله جذي تمثال يصير هذا مصيره..خل نحاول نغير مكانه..أنا كلّه بحاول..ومقزرتها مدقوره..المهم خل نبتدي بهالتمثال..نحاول نغيره
شوف انا عندي صورة الفنان اللي مسويها
بس ما ادري شنو سالفة التمثال وين راح بس اذكر عندي صورة لهالتمثال مع الفنان اللي سواه و اذا ما خاب ظني ان مو كويتي
بس توني دريت ان موجود بجريدة السياسة مع اني دشيتها كم مره و ما انتبهت
اي شي يا بوعابد .. الله يهداك بس تبينا نحط اصنام بالديره شنو هالجهل و التخلف و التقليد الاعمى للكفار ؟؟
هذووول الليبراليين اهم اللي يدعون لمثل هالاشياء اولها ستار اكاديمي و الحين اصنام و الله يعلم بس الياي اكيد تبون تفنحون بارات و تسمحون بالدعاره !!
اتق الله جزاك الله خير احنا شعب محافظ و ما نرضى بمثل هالامور !!
هذا مشرووع حلقه حق صديقنا اللي خبرك يا بو عابد :)
nanonano :
تبين الصراحة .. على الأقل خل نغسلهم و نشيل منهم الغبار كخطوة أولى .
enter-q8 :
أنا مو متأكد بعد بس أعتقد انه كويتي .. لأنه أذكر انه مكتوب تحت التمثالزز عمل الفنان (ما أذكر) الصالح
dr-academy :
ما أستبعد كلش !!
هذا التمثال للفنان النحات الكويتي
سامي محمد
للمزيد
http://www.sami-art.ae/MAIN%20PAGE%20ARABIC.htm
مشكور اخوي طلقات رصاص
انا كنت اقصد هالصورة
http://www.sami-art.ae/SCULPTURES%20HTML/SSBH1.htm
و يمكن علشان الزي اختلط علي الامر
مشكور مره ثانية لتصحيح المعلومة
حطهم
وبيروحون يقولون باجر ما يجوز وهذا كفر
وكأن احنا بنطلع نعبدهم
الله يهدي الجميع يا دكتور ويصلحهم
اقدر اشتريه واحطه ببيتنا او بغرفتي ؟
او على الاقل يكون بدوار منطقتنا ؟
اي مكان هالتمثال ؟ ابي العنوان بالضبط ..
as u like :
موجود بشارع الصحافة بشويخ .. خلف مطبعة (الدروازة) .. بمبنى جريدة الرأي العام القديم.
مؤسف جدا حال البلد.
لازم يعود هذا التمثل الى مكان عام على الاقل في متحف او حديقة او ميدان.افضل مكان له امام البرلمان على البحر او امام مدخل البناية.
يا جماعة اذا كان بودكم ان نعمل شيء لانقاذ هذا التمثال و اعادة مثلا الى امام البرلمان او اي مكان عام اخر فانا مستعد للمساعدة.
انا اقول خلونا نسوي حمله تدوينيه لاعاده التمثال الى الحياه ( اقصد وضعه في مكان يليق بصاحبه )
و احنا مستعدين نتعاون مع الكل ..
اعتقد مصممنا الكبير حاكي عقالي ما يقصر بتصاميم الحملات التدوينيه ..
و نبلغ جميع المدونات و بعدها نتحرك ..
اشرايكم ؟؟
السلام عليكم،
د. أكاديمي، د.بوعابد
اسمحولي تعليقي ماله اي علاقه بالموضوع لكنها دعوة إليكم، سويت بلوق يتعلق بالمواضيع الطبية (اي شي) لأن محد يعطي هالمواضيع ويه إلا الدكاترة أنفسهم.
وأنا الحين بديت أدعوا المدونين (الدكاترة أو الفيوشر دوكتورز) وما أقلهم هني، فإذا ودكم تشاركونا أدزلكم دعوة وتكتبون اي شي تبونه متعلق بالطب، طبعاً إنتوا أول المدعوين. يعني عطونا جم يوم علما نكون لنا رابطة مدونين.
واسمحولي مو حاطين ايميلكم جان راسلتكم على الإيميل طبعاً وشكراً،
- mate
-mate ..
اوكي مو شكله ..
والله يا بوعابد لو أدري بتحطه موضوع جان صورنا يومها أكثر و ترى أنا على الوعد و ناطرك عشان نروح لهم مرة ثانية و نكلم المسؤولين عن المجلة
و خطوتك جميلة وايد بعرض الموضوع حاليا بالمدونة و أشكر مبادرة جريدة الجريدة على عرض الموضوع بس لازم يعطى الموضوع أهمية أكبر من المدونة
و أتفق مع إخواني إنه لازم نبلش بالحملة التدوينية كخطوة أولى و بعدين نحاول نتفاهم مع القائمين على المجلة و نشوف إذا نقدر نشتريه منهم أو نحاول نضغط و نصعد الموضوع
و إن شاء الله لما يكون لنا صدى بهالموضوع راح نقدر نحرك الناس معانا
لأنه في فنان تشكيلي كويتي سوى تمثال للشيخ جابر رحمه الله و تم رفض طلبه في تخصيص مكان للتمثال لأنهم كما زعموا "هذا صنم " مادري منو بيعبده
و اللي حاب يشوف التمثال
موجود
في دخلة شارع الصحافة او ما تدش على ايدك اليسار في مركز اكشن للدعاية و الاعلان و جريدة إعلانيه ماذكر اسمهى مقر مجلة النهضة "مبنى الرأي العام السابق "
http://sya2ty.blogspot.com/2008/09/blog-post.html
تبون تنصدمون ؟!
كان فيه تمثال للمغفور له الشيخ عبدالله السالم .. تدرون وين كانوا حاطينه؟!
في مدرسة ابن سينا الابتدائية بنين بالدعية .. كنت ادرس فيها .. فا لما ابوي دخل ( و صار له دهر مو داشها ) قال وين تمثال عبدالله السالم ؟
قلتله اي تمثال قال كان في تمثال للشيخ عبدالله السالم الله يرحمه ..
رحنا للناظر وقتها و قاللي انشال التمثال من ايام الثمانينات .. هالحجي كان في سنة 96 او 95 ..
تدرون ليش انشال؟ اربط التاريخ بظهور تيار يديد .. !!
عبدالله السالم نحبه ونحترمه لكن مانبي تماثيل الله يخليكم مو ناقصين بعد شوي وتقولون لنا ليش مانهوس حبا في الامير
خلونا جذي ويالله نلحق راس وياهم
al sager :
هلا والله ..
أشكرك على المظاهرة التدوينية التي قمت بها .. و لكن ما نحتاجه هو تعاون جميع المدونات المتفاعلة مع هذا الموضوع ..ليكون لنا جميعا تحرك واحد جاد لاعادة هذه التماثيل لأماكن تليق بأصحابها .. حتى لا يتحول هذا الموضوع لمجرد ردة فعل كفقاعة صابونيةتحلق ثم تختفي بلمح البصر .
و انشالله نشوف تمثال عبدالله السالم جدام المجلس مثل ما تمنينه .
وطني ديموقراطي :
مثل ما قلت يا أخوي العزيز .. غبار هب علينا و يبي يغطي و يمحي كل مظاهر و انجازات الدولة المدنية .. و أشكرك على مشاركتك لهذه القصة
حمودي :
أخي العزيز .. وصل الحال في الكويت الى عدم الوقوف لتحية علم بلادنا و رمز هذا الوطن .. أقل ما يمكننا أن نفعله هو نقل التماثيل لأماكن تليق بأصحابها .
و قصة أخونا (وطني ديموقراطي)توضح الموضوع أكثر .
تدرون عاد ..
انا ضاق خلقي لما شفت اللويه هذي ..
تدرون ان حسين الفضاله ليلحين ما رجع حق اهله ؟؟
تدرون شنو يعني لما تفقدون ابو او اخو او زوج و ما تدرون حتى اذا اهو حي او ميت .. ؟؟
بصراحه .. التماثيل مو اهم من ولد الكويت المفقود ..
يعني قاعد اشوف تنافس بالاقتراحات .. لا و واحد من الشباب ماشالله بروحه بلش حمله تدوينيه حتي بدون ما ينطر راي باجي المدونين او عالاقل المدونه اللي طرحت الموضوع ..
انا شخصيا و مادري اذا توافقوني .. اقوول خل نوجه تحركنا باتجاه حسين الفضاله و نتحرك بقوه اكبر على الموضوع حتى لو اضطرينا ان نسوي اعتصام جدام المجلس او اي مكان تشوفونه ..
و بعدين نتفرغ حق التماثيل والامور الثانيه ..
الديره قاعده تندثر و ما يت على التماثيل ترى ..
معاك حق يا دكتور أكاديمي
أفتخر الصراحةو أشكركم جميعا على التأييد الي حصل عليه موضوع نقل التمثاليين و نتمنى أن يحصل ذلك
و لكن ولد الكويت أولا أولى بتحركات و اندفاع جميع شبابها
اتمني انكم فعلا تبادرون بالحملة وتصير على مستوي فعال
انا ارشح ان يكون في تواصل مع المتحف الوطني يمكن يقدرون يسون شى
مشكرون على المبادرة
الصراحه اول مره اسمع بالشي هذا .. حرام الرمز الكبير هذا مهمل جذي وهو اللي لي الحين بصماته موجوده بالديره مو بس بالدستور حتى بالمباني
http://aljarida.com/aljarida/Article.aspx?id=77035
منور الجريدة
neo ..
وانت منور المدونه :)
احذر من ان تتحول الى الشرك
:)
قوية الصورة :/
thanx zooz
قصة التمثال كاملة
يرويها النحات صاحب التمثال
الفنان سامي محمد
مدونة منع في الكويت!!
إرسال تعليق