سمعنا بموضوع موقع YOUTUBE المشهور .. و انا فيه حجي انا جماعتنا بالكويت ناوين يسكرون الموقع .
بخصوص هالموضوع .. كتب النائب (خالد سلطان بن عيسى) في جريدة الفتن بعنوان يوتيوب يالغنيم و أمثاله ..
طبعا بقدرة قادر صار كل من يطالب باستمرار الموقع :
أصوات النشاز ولا لجعجعة الطبول للأشخاص المعروفين بمواقفهم المخزية امام يحل امر يمس الفضيلة والدين فقد صدق رسول الله صلى الله عليه وسلم بقوله (الخمر ام الخبائث) ... على حد قول النائب الفاضل
و المواطن الكويتي الي يقول كلمة حق .. بوجهة نظر نائبنا ( الكبير السن) مجرد ذبابة ، لا و بالنار بعد !!
يقول : ودع عنك (الذباب) فان الذباب في النار كما قال حبيبنا رسول الله.
و في النهاية ختم ب : واعلم انك مدعوم من اهل الكويت ومؤيد من نواب الأمة وخاصة لجنة الظواهر السلبية
كيف يتكلم بلسان أهل الكويت و اهو توه واصف بعض أهلها بأنهم ذباب و اصحاب مواقف مخزية و أن حرية التعبير عن الرأي بالنسبة له أصوات نشاز و جعجعة طبول ، و الي يقهر انه الموقع ما فيه شي !! . و هذا كله (باعتراف نائبنا) من فضل و دعم و تأييد لجنة الظواهر السلبية السيئة الذكر !!!
Note: دورت بال home page مال يوتيوب من فوق لي تحت ، و ما فيه شي يقول
( ان هناك دولاً عديدة منعت بث هذا الموقع لفظاعته وسوئه وخبثه )
من يحمي الشعب من نواب الشعب !!
أتمنى الكل يقرأ المقالة .. و أترك لكم حرية التعليق >>
و عشان لا نحرق بوست بوعابد ندمج بوست العيد مع هالبوست :)كل عام وانتم بكل خير و تقبل الله طاعتكم
د.اكاديمي و د. بو عابد
هناك 7 تعليقات:
دكتورنا العزيز
عندي من الاصدقاء من التيار السلفي اللي مثلهم النائب السلطان و العميري
وانا اكلمهم عن الموضوع
قالولي ترى لا تشيش علينا ياخوك هذا فيه فساد و دش و شوف
قلت اوكي و هم فيه منافع ثانية
و عطيتهم الروابط العلمية و الطبية و الدينية كذلك
و قلت لهم ابيك تعرضوهم على نوابنا فقط لا غير
المشكله انهم ما انعرض عليهم هالشيئ المقابل و في منهم اللي يعرضون عليهم هالسوالف ما يعرضون عليهم الباقي اللي ذكرته
تحت مسمى جديد الله لايبلانا اسمه اهل ثقه
طبعا انا عارف في منهم ما راح يقتنع
فعلشان هالشي
دسيت معاهم رابط
فحص البروتسات
كل عام و انت بخير
و عيدك مبارك
عادي يا بوعابد عادي ..
هذي الكويت صل على النبي ..
المشكله ان احد النواب و هو محمد هايف له صفحه خاصه او يسمونها قناه خاصه باليوتيوب و اهو اللي صوته يلعلع يبي يستجوب وزير المواصلات اذا ما حجب اليوتيوب ..
عموما انا ماني فاهم لي متى الناس بتسكت و اشكثر بنتحمل ..
الهجره تنادي وتنادي و الكويت ما عادت جميله مثل اول لا يقصون عليك ويقولون لك الكويت ما زالت جميله ..
اللي مصبرنا ترى الاهل و بس ..
مصير يوتيوب
ما كتب بصفحة سكايب
نأسف ‘ لقد تم إغلاق هذا الموقع وذلك بناء على تعليمات وزارة المواصلات
This website has been restricted based on the instructions of the Ministry of Communication.
We apologize for the inconvenience
يعني الحين كل شي زين بالديره بس موقع اليوتيوب اهو اللي بخرب عقول اهل الكويت
يعني مثل ما النت كله في اشياء مو زينه هم في اشياء زينه
وكل واحد على حسب تربيته واخلاقه وشنو نيته لما يبطل السايت
>>>ولا كلن يرى الناس بعين طبعه<<<
انا عن نفسي استخدم اليوتيوب عشان اطالع رسوم متحركه قديمه
عيدك مبارك
و تقبل الله طاعتك
عيدك مبارك
و تقبل الله طاعتك
عيدك مبارك اولا
ثانيا سياسة المنع عمرها ما راح تييب اي فايدة
المشكلة في ناس افكارهم تتجه حق سياسة القطع مباشرة بدون ما تفكر في ايجاد حلول بديلة
إرسال تعليق