وجهة نظر ..

من خلال متابعني للاحداث اللي صايرة على الساحة في الفترة الماضية بعد حل المجلس شفت شغلات وايد منها الزين و منها الشين ..

شفت مشكلة صالح و التحالف .. :(

شفت ترشيح اول امراة ضمن قائمة .. :)

شفت الفرعيات و حرب الشوارع .. :(

شفت الاسلاميين يقولون ان المرأة اللي تمثل الكويت لازم تلبس حجاب .. D:

شفت دعيج و هو متضايق من ترشيح اسيل .. p:

شفت حدس و السلف مو قادرين يتفقون " فرصتكم يالوطنيين ".. :)

شفت قانون منع التجمعات .. >:(

شفت ازالة الدواوين المخالفة .. :) شغلات كثيرة .. و راح اعلق على بعضها ..

من وجهة نظري ان مشكلة صالح و التحالف ما كانت لتكون لو كان هناك ترتيب و تنسيق جيد .. المشكلة صارت بسبب سوء التنسيق و لكن هذا ما يمنع ان التحالف يدعم صالح الملا و كذلك صالح الملا يقوم بالمثل .. فـ بالنهاية التوجه واحد و التحالف و المنبر وجهين لعملة واحدة ولازم ننسى كل خلافاتنا و على قول " جمال " ... المهم الكويت :)


ترشيح الدكتورة اسيل .. و على الرغم من انها غير معروفة عند الكثير .. يعتبر خطوة شجاعة من التحالف .. وقدروا يربكون الاخوان و الدليل تصريح دعيج الشمرى .. عموما نتمنى التوفيق للدكتورة اسيل و لجميع المرشحين الوطنيين .. و ايضا كنا نتمنى لو صار تنسيق اكثر من التحالف علشان لا تصير مشكلة مع د. رولا دشتى ..

جريدة الراي: وقال مصدر على دراية بأوضاع الدائرة الثالثة «ان الدهشة حال رولا دشتي، فور تلقيها خبر ترشيح التحالف الوطني الديموقراطي لأسيل العوضي ضمن قائمة التكتل، ومما زاد من دهشتها ان أحدا لم يطيب خاطرها، وظلت تبحث بمفردها عن الأسباب التي دعت «التحالف» إلى تفضيل العوضي، رغم ما قدمت من عمل كان يصب إلى صالح الدستور، وتقويته، ولا ريب ان رولا فوجئت من تجاهلها».

حرب شوارع..
اللي شفناه بالايام الماضية فعلا حرب شوارع .. مدرعات ، هيلوكبترات ، قنابل ، طلقات مطاطية ، مداهمات و قوات خاصة و مغاوير :)
و فوق كل هذا ... تطلع ثاني يوم نتايج الفرعيات بالجرايد و المدونات و بالارقام بعد :)

انا اعتقد ان اللي قاعد يصير "Propaganda" و لو ان وزارة الداخلية جادة بتطبيق القانون ما تسوي اللي سوته و اللي محد يرضى فيه و جان ما شفنا قانون التجمعات السيئ .. و بكل بساطة من خلال المباحث او اللي يستخدمونهم عشان يصيدون المشعوذين يسوون كمين و يصيدونهم بالجرم المشهووووووود !!!!!!!! و بدون لوية !!!!!!!!!! و ايضا هذا الحل ينطبق على شراء الاصوات !!

ضحكت ذاك اليوم و انا اتابع برنامج الوشيحي على الراي كان يايب عبدالله راعي الفحما و خليفة الخرافي .. المهم راعي الفحما يقول ماكان فيه فرعية :) اترككم مع الفيديو

لا تعليق ..........

بالنسبة للدواوين .. بصراحة القانون لازم يطبق و على الكل .. ولكن اعتقد ان الحكومة تسرعت و بدت الازالة في وقت ممكن يؤدي الى ردة فعل تنعكس على نتايج الانتخابات و يفوزون المرشحين اللي همهم يدوسون على القانون .. كان من الافضل الانتظار الى ما بعد الانتخابات و وضع الحلول الانسب بطريقة حكيمة ..

و بالنهاية .. اتمنى اني ما طولت عليكم في اول بوست لي .. و اتمنى اشووف تعليقاتكم ..