الخميس، 31 يوليو 2008

وصل ..



و بعد انتظار دام شهور و ترقب مكثف في الايام الاخيره ..

وصل الى هذه الدنيا ولي عهدي .. " اكاديمي جونيور "


فالحمد لله



الاثنين، 28 يوليو 2008

ترقب ...


من اليوم و حتى يوم الاثنين القادم سأكون في حاله ترقب لشيء لن افصح عنه الا في وقته ..

البوست القادم سيكون خلال هذه الفتره

الجمعة، 25 يوليو 2008

هايدوووووو .. our camel



الفيفا يوقف المنتخب .. لا الفيفا يرفع الايقاف .. الفيفا يرسل وفد .. الفيفا يهدد .. السلطه تضع قوانين الاصلاخ الرياضي "ترى متعمد الخاء".. الفيفا له قوانينه الخاصه ويرفض قوانين الاصلاخ .. الاتحاد يستقيل .. لا الاتحاد يرجع باستقالته .. المدرب استقال .. لا المدرب انطرد .. بشار اعتزل .. لا بشار راح يرجع ..

خلاااااااااااااااااااااااص ... صج صج صج صج صج " بــــــــــــــــــــــــــس "

انا بصراحه من عقب ما طقونا عمان
(٣-٠) بكاس الخليج ذيك السنه و انا ما اشتهي اشووف المنتخب ..

بس شنسوي ما عندنا الا هالمنتخب ..

و المشكله ان المساكين منتخب اليد اللي نتايجه تبرد الجبد و ترفع الراس محد مجابله و لا في احد معطيه ويه .. و يا خوفي يصير فيهم مثل ما قاعد يصير بالقدم ..

لان احنا بصراحه تعودنا نفوز بكاس اسيا .. و ما يطوفنا كاس العالم "باليد طبعا" ..
لكن لو ندقق شوي راح نلقى ان منتخب اليد عالمستوى العالمي ما تطور ليلحين ..
وعالمستوى القاري نزلنا و اخذنا المركز الثاني ..
عموما مو موضوعنا منتخب اليد ..

انا بصراحه ما راح اتفلسف و لا راح اسوي نفسي فاهم .. لان انا مو متابع حاليا للمنتخب ..

لكن قاعد اقرى الجرايد صارلهم فتره ما عندهم الا سالفه انتخابات الاتحاد و التجميد و قوانين الاصلاح الرياضي ..


يا جماعه .. انا ابي افهم شي واحد بس ..

الاتحاد الكويتي عضو بالفيفا .. صح ؟؟

انزين .. عضويه الفيفا لها شروط .. صح ؟؟

طيب .. الاتحاد الكويتي يبي يبقى عضو بالفيفا .. صح ؟؟ اي صح مو بكيفهم !!

اذا .. ليش ما يطبقووووووووون قوانين الفيفا و خلاص!!!!!!!!!!!!!!

ترى لاعت جبووووووودنا ... !!!!

خلاص ... بس ... انتهى ... مو سالفه هذي كل يوم طالعين لنا بشغله ..

طبقوا قوانين الفيفا و خلاص .. فصلوا الرياضه عن السياسه .. و فكونا !!!

وبس ما عندي شي بس منغث منهم و حبيت افش خلئي :)




الجمعة، 18 يوليو 2008

الكويتيين و ال Champs Elysees !

السلام عليكم

تحية طيبة لكل القارئيين .. أحب في البداية أشكر ( الدكتور أكاديمي ) على استضافته لي في هذه المدونة الناجحة ..

الصراحة واجهت صعوبة في اختيار أول موضوع لي على المدونة و قررت مبدئيا أن أبدأ بموضوع سياسي بحت .. بس بعدين غيرت رايي لأنه الناس الحين في الصيف خلاص ملت من السياسة ، و القيل و القال و النقد و التحليل السياسي الي يعور الراس .. حتى السياسيين نفسهم في اجازة .. ;)
و لذلك قلت أبدي بموضوع بسيط يتماشى مع العطلة الصيفية و جو ال relax و الاسترخاء الي معظمنا عايشة ...
الكويتيين من زمان يفضلون السفر لأوروبا و أمريكا للجو الجميل و الطبيعة ( شيابنا ) و التسوق ( حريمنا و بناتنا) و المقاهي و التمشي و الفرفشة (شبابنا) ..
علما بأن أوروبا فيها قصور و متاحف و أثار و تاريخ عريق .. و لكن للأسف البعض يفضل التسوق في GORGIO ARMANI بدل زيارة الي متحف اللوفر للفن و يفضل Oxford Street على Leeds Castle و يفضل التمشي في ال Champs Elysees بدل أن يضييع وقته في زيارة المتاحف و القصور التاريخية !!!!
و حتى بعد ما بدينا شوي شوي نهدم السور و الاطار السياحي الضييق مالنا وبدينا نروح أستراليا و غيرها فالأسباب و الدوافع لم تتغير ( جو .. سوق .. فرفشة ) .. و أي مكان ما تتوافر فيه هالثلث أساسيات فعليه أكبر X و بالخط الأحمر العريض بعد !
و لذلك فالقارة المسكينة و المهضوم حقها بحكم تصنيفنا الكويتي هي ( القارة الأفريقية _ باستثناء مصر و تونس و المغرب ) لأنه جوها حار ( انسه شيابنا) و ما فيها أسواق تذكر ( أشكره حريمنا و بناتنا OUT) و طبيعة الفرفشة و التمشي تختلف عن المتعود عليه ( انسه شبابنا ) ..

من أهم اسباب تركيزنا على أماكن معينة دون أخرى هو اننا نفتقد روح المغامرة و الاطلاع على شيء جديد و رحلة سياحية ذات طابع مختلف .. !

ليش ما نفكر نروح سفاري باحدى الدول الافريقية و نزور القرى الأفريقية الي عايشه على عاداتها البسيطة لي يومنا .. ؟

ليش ما نفكر نروح الهند و ناكل الأكل الهندي على أصوله و نشوف التاج محل و القصور العظيمة و الفن و الغناء و الرقص الهندي ؟
ليش ما ما نروح البرازيل .. لغابات الأمازون ؟

ليش ما نروح الدول الأوروبية و لكن يكون الهدف الأكبر زيارة المتاحف و القصور و الغرائب و العجائب ؟
فشعوب الدول المهضوم حقها لا يعرفون ان كانت الكويت دولة بالأساس و لا يعرفون عاداتنا و أطباعنا و ان عرفونا ( بالصدفة ) فأول كلمة تقال : Oil Oil Oil !!

يا جماعة كلنا نحب الجو الحلو و التسوق و الفرفشة .. و لكن نحن بحاجه الى تغيير نظرتنا للسياحة بشكل عام و كسر السور الي تعودناعليه فكريا و معنويا و عمليا .. و استبدال توجهنا السياحي القائم على المتعة الي توجه يحمل لمحة ( على الأقل) ثقافية و اطلاعية ... ففي العالم الكثير الكثير من الغراب و العجائب و الفن و الرقص و العادات و الشعوب و الحضارات و الروائع .. الي ما راح نلقاها بال Champs Elysees !

و هذه بعض الصور تم التقاطها في ( مومباسا - جزيرة في القارة الأفلريقية المهضوم حقها) .. لعلها تبين ما أقصده

(جمال مومباسا المنسي)

قصر استعمله المسيحيون كحصن أثناء حروبهم

مسجد في حي مومباسا



مدخل لمعبد هندي ( يروي قصة كاملة بالصور)!


شفتو حتى ربعنا يعرفون وين يسافرون ;)


الثلاثاء، 15 يوليو 2008

بالتمادي ..

اعلان: تعلن مدونة اكاديمي عن انضمام العضو "dr_bo-3abed" الى المدونه ..

د.اكاديمي: حياك الله يا بوعابد :)

هذه الابيات للشاعر أحمد مطر وصلتني بالـ Face book .. و اعجبتني كونها تحكي واقع الدول العربيه .. للأسف .. ولذلك قررت ان اكتبها كـ بوست لتعم الفائده :)


بـالـتـمـادي

يــصـبـح الـلـص بـــاوروبـــا

مــديـــرا لـلـنـوادي

وبــأمــريــكا

زعــيـما لـلـعـصـابــات وأوكـــــار الفسادِ

وبــأوطــانـي الــتــي

مـن شَــرعها قــطـع الأيــادي

يــصـبـح الــلـص

رئيــسـا لـلبـــــلادِ



الخميس، 10 يوليو 2008

اعداء الجمال ..


تحديث اسفل البوست ..

كثير من تغنوا بالجمال .. و كثير من وصفوا الجمال ..

والجمال انواع .. واقصد اليوم في هذا البوست الجمال الخارجي وليس الداخلي .. كما انني لا اقصد جمال الانسان فقط بل كل شيء

الجمال الخارجي الذي يحاول البعض ان يجعلنا نعيش من دونه ..

فكل شي جميل محرم .. نعم .. محرم ..

الموسيقى حرام والغناء حرام والمرأه لو كانوا يستطيعون لجعلوا حياتها حرام و الرسم حرام و التصوير حرام والتمثيل حرام وكل ماهو جميل حرام ..

هم ينادون و يطالبون بالعودة الى الدولة الاسلامية ..

وانا اتمنى ان نعود لذلك الزمان اكثر منهم .. فما احلى تلك الايام لمن قرأ التاريخ وعرف كيف كان الوضع ايام الدولة الاموية و العباسية وغيرها من الدول الاسلامية على مر التاريخ ..

و من منا لم يقرأ اجمل الاشعار في الغزل في ذلك الوقت ..

فاعظم الشعراء كتبوا اجمل الاشعار لامراء ذلك الزمان .. و اجمل الجواري رقصوا لخلفاء ذلك الزمان ..

ولذلك يجب ان يعرف الجميع ان هؤلاء الدخيلين على مجتمعنا و على المجتمع الاسلامي بالاساس لا يعرفون ما يريدون ..

انهم ينادون بعودة زمان الاندلس .. ولا يعرفون كيف كان ذلك الزمان .. هم ينادون بتطبيق الحدود و لا يعلمون كيف ستطبق ..

وانا اليوم انادي جميع انصار الجمال ان يقفوا بوجه من يدمر الجمال في هذا البلد

انني اكتب للمرة الاولى عن مثل هذه المواضيع .. ولكن هي مدونتي و لي ان اكتب فيها ما اشاء ولكم ان تعلقوا على كلامي و تصححوا لي ان اخطأت ..


و بالنهاية لكم هذا الاهداء .. من اجمل الاغاني ..



رحمك الله يا طلال مداح
--------


سبحان الله .. توني منزل البوست وقاعد اقرا الجرايد من النت ..
علشان تعرفون انهم اعداء كل ما هو جميل ..
****************

الجمعة، 4 يوليو 2008

ملل ..

نوم .. افينوز .. انترنت .. نوم .. مارينا .. انترنت .. نوم .. افنيوز .. ديوانية .. نوم .. قهوة .. افنيوز .. نوم .. زيارة اهل .. مارينا .. نوم ..

هذا هو جدول ال
حياة اليومية للانسان الكويتي في حال كان عندة اجازة ..

طبعا هالمجمعين ( المارينا و الافنيوز ) انسوا تدخلونهم ايام نهاية الاسبوع .. لان الوضع مأساوي ..

انا شخصيا حايشني ملل مو طبيعي .. و مادري شنو اك
تب أو ليش انا قاعد اكتب حاليا .. لان من الملل مو قادر افكر ..

مليت من السياسة .. مليت من الافنيوز .. مليت من القهوة .. مليت من وايد اشياء ..
الوضع ملل في ملل ..

إي .. عندي سؤال ..

ليش المجمعات بالويك إند تنترس من هاليهال اللي ا
صغر من ١٢ سنه بدون ما يكون معاهم اهلهم ؟؟

انا مادي هل ا
نا بس اللي ملاحظ هالشي ...

او ان هالشي
طبيعي و انا ابوي كان متزمت مثلا لان ماكان يخليني اطلع بروحي و اقز لما كنت صغير .. مادري ..

بس اعتقد انها ظاهرة سلبيه ،ولازم نش
وف لها حل .. ( ماكو فايدة .. سياسه )

انزين .. شنو في اماكن يديدة تسوى ان الواحد يروحلها ؟؟؟ بالكويت طبعا .. ؟؟

سؤال ثاني .. ليش ليلحين ما سنعوا الجزر اللي عندنا .. ؟؟

وربة ، بوبيان ، فيلجا(فيلكا) ، مسجان(مسكان) ، عوهه، قاروه، ام المرادم ، كبّر، ام النمل ..

عندنا كل هالجزر .. ولا مستفيدين منهم .. !!!

اللي عنده اقتراحات حقي ارجو ان ما يبخل علي لان
صج صج ملللللل ... و حطوا في بالكم ما راح اسافر ..


و هذي صور حق احلى ا
لجزر .. فيلكا - ايكاروس