الفيفا يوقف المنتخب .. لا الفيفا يرفع الايقاف .. الفيفا يرسل وفد .. الفيفا يهدد .. السلطه تضع قوانين الاصلاخ الرياضي "ترى متعمد الخاء".. الفيفا له قوانينه الخاصه ويرفض قوانين الاصلاخ .. الاتحاد يستقيل .. لا الاتحاد يرجع باستقالته .. المدرب استقال .. لا المدرب انطرد .. بشار اعتزل .. لا بشار راح يرجع ..
خلاااااااااااااااااااااااص ... صج صج صج صج صج " بــــــــــــــــــــــــــس "
انا بصراحه من عقب ما طقونا عمان (٣-٠) بكاس الخليج ذيك السنه و انا ما اشتهي اشووف المنتخب ..
بس شنسوي ما عندنا الا هالمنتخب ..
و المشكله ان المساكين منتخب اليد اللي نتايجه تبرد الجبد و ترفع الراس محد مجابله و لا في احد معطيه ويه .. و يا خوفي يصير فيهم مثل ما قاعد يصير بالقدم ..
لان احنا بصراحه تعودنا نفوز بكاس اسيا .. و ما يطوفنا كاس العالم "باليد طبعا" ..
لكن لو ندقق شوي راح نلقى ان منتخب اليد عالمستوى العالمي ما تطور ليلحين ..
وعالمستوى القاري نزلنا و اخذنا المركز الثاني ..
عموما مو موضوعنا منتخب اليد ..
انا بصراحه ما راح اتفلسف و لا راح اسوي نفسي فاهم .. لان انا مو متابع حاليا للمنتخب ..
لكن قاعد اقرى الجرايد صارلهم فتره ما عندهم الا سالفه انتخابات الاتحاد و التجميد و قوانين الاصلاح الرياضي ..
يا جماعه .. انا ابي افهم شي واحد بس ..
الاتحاد الكويتي عضو بالفيفا .. صح ؟؟
انزين .. عضويه الفيفا لها شروط .. صح ؟؟
طيب .. الاتحاد الكويتي يبي يبقى عضو بالفيفا .. صح ؟؟ اي صح مو بكيفهم !!
اذا .. ليش ما يطبقووووووووون قوانين الفيفا و خلاص!!!!!!!!!!!!!!
ترى لاعت جبووووووودنا ... !!!!
خلاص ... بس ... انتهى ... مو سالفه هذي كل يوم طالعين لنا بشغله ..
طبقوا قوانين الفيفا و خلاص .. فصلوا الرياضه عن السياسه .. و فكونا !!!
وبس ما عندي شي بس منغث منهم و حبيت افش خلئي :)
هناك 11 تعليقًا:
المشكلة إنهم قاعدين يوهمون الجميع بأن الفيفا عنده قوانين !
ببساطة الإتحاد الكويتي يحتوي على 14 عضو. عضو من كل نادي. هذا كان الوضع من أكثر من سنتين. و هذا الأمر حصل بناء على توجيهات سامية من سمة الأمير الحالي اللي كان رئيس مجلس الوزراء يومها
الفيفا لا يملك حق الإعتراض.
لكن الفيفا يخشى من التدخل الحكومي. و هو ما لم يحدث في الكويت. بالعكس الهيئة في يد طلال الفهد و هي من تحاول التدخل
حل المشكلة بسيط. يجب حل مجالس إدارات الأندية - اللي هي أعضاء الجمعية العمومية - و تعيين أعضاء مجالس إدراتها. و هذا أمر لا يملك لا الفيفا و أبو الفيفا التدخل فيه. لأن النوادي هيئات حكومية تخضع لرقابة وزارة الشئون اللي تدفع ميزانياتها فلس فلس
و عند إنعقاد الجمعية العمومية سيتم إقرار النظم الجديدة التي تتوافق مع قوانين الدولة و هذا أمر بديهي
لأن من يمول اللعبة و الأنشطة الرياضية في البلد هي الدولة و ليس الفيفا أو اللجنة الأولمبية الدولية
المسألة و ما فيها لعبة كبيرة و محد دمر الرياضة في الكويت غير اسطبل الشهيد و رواده
الحلم الجميل ..
يعني الخصخصه افضل ؟؟
انا منبطة جبدي اكثر منك
من سموه ازيرق و احنا مو مترقعين
:q
لا أعتقد. الرياضة هي من أساليب تربية النشء التي يجب أن تبقى تحت رقابة الدولة. هناك نماذج على أندية خاصة مثل نادي تشيرمان. لكن ما يزال الوقت مبكر.
لا تنسى إن هذا الشئ سيفتح شهية المتنفذين للحصول على أراض مجانية. لذا ستجد النادي و قد إنقلب الى مطعم أو سوق يبيع كل شئ إلا مستلزمات الرياضة
ربعنا ينخاف منهم مو كفو خصخصة
الحل هو حل مجالس إدارات الأندية التي تؤتمر من قبل الإسطبل
الحل سهل قارن بين اليد والقدم :) شوف منو اهني ومنو اهني
هيدوه هيدوه
اور كمل
:(
صباح الخير..
عادي شباب ، هذي الكويت صل على النبي..
مشكلتنا بالكويت مو بس بالرياضة ، مشكلتنا بكل جواني الحياة مثل: الصحة ، الإسكان ، التعليم ، السياحة ، مجلس الأمة ، الإعلام ، وأهم من هذا كله السياسة الداخلية والخارجية..
الحمدلله ما ينقصنا شي ، ما علينا قاصر فلوس و لا قاصر كوادر بشرية..
تعرفون شنو اللي مسبب هذا كله....؟
الواسطة والمحسوبية..
وآنا مستعد أشرح أي قصور بالمجالات اللي ذكرتها و راح تشوفون شلون الواسطة هي اللي ناخره ديرتنا من الداخل و مدمرة البلد..
كل هذا عشان جم حرامي يبون يكوشون غلى كل شي و ما يبون أي مناقصة تطلع منهم..
والأدهى و الأمر: إن أعلى الأصوات المطالبة بتعديل هالأوضاع ، وأكثر الناس صراخ عشان الحرية والديمقراطية هم من هالشلة المكوشة على (كل شي) ، شفتوا المهزلة وين..؟
وطن ..
اي انسان طبيعي لازم تنبط جبده، وانتي انسانه طبيعيه :)
وازيرق اسم على مسمى
الحلم الجميل ..
انت تقول ان الحل بحل مجالس ادارات الانديه ..
طيب بعد ما تنحل ادارات الانديه شنو اللي بيصير ؟
انتخابات ؟؟ راح يفوزون نفسهم ..
تعيين ؟؟ راح يتعين ربعهم ..
باش مهندس ..
قاعدين يتلزقوووووون باليد يا مهندس هالايام ..
ما شفت ربعنا ما ترقعوا ؟؟
تشي ..
الواسطه اداه من ادوات الفساد و ليست هي الفساد بحد ذاته ..
إرسال تعليق